تررررررررررن -جرس الباب يا منيل قوم افتح بدل ما انت عامل زى الكرسى اللى انت قاعد عليه كده
-طيب..منا قايم اهه انتى مبتصبريش ابدا كنت بعمل داونلود
-والله منا فاهمة اى حاجة منك
تررررررررررررن "جرس الباب لسه بيرن"
-ايوة مين اللى بيخبط؟
-بيخبط مين يا ابن ال..... انت مش سامع الجرس!؟
-مين اللى بيرن الجرس........استريحتى!؟
"من برة" -انا ياهبل منك ليها افتح ياض
"من جوة" -ده بابا قومى افتحيله بسرعة"يهمس"لازم الحق اقفل النت"يدخل جوة بسرعة"
-ايوة حاضر جاية اهوه
-انتو اطرشتوا ولا ايه كل ده و مسمعتوش؟"شكله متنرفز قوى"
-معلش يا خويا اصل احنا كنا مشغولين شويه
-مشغولين فى ايه يا وليه وفين الواد ابنك انا لسه كنت سامع صوته
-دخل جوه يقفل اللى اسمه ايه ده اللى فتحه
-هوه ايه اللى فتحه ياوليه انتى
يخرج الابن من جوه-بابا؟..حمد الله على السلامه0 انت جيت؟!
-بس ياض يا مهووش انت إيه اللى امك بتقوله ده
-امى؟؟"يبص لها بصه اللى حس بالخيانه"قالت ايه امى
-هو ايه اللى انت كنت فاتحه ورحت تقفله ده
يبص ببلاهه -فاتحه؟! ورحت أقفله؟! -يبص لمامته تانى ويغمز لها من تحت لتحت-أأأ الشباك
-شباك؟؟ "طبعا ابوه مش مصدق"
-اه اصل الشباك كان جايب سقعه
-سقعه مين يا اهبل دانا هطلع من هدومى من الحر
-ماهو انا كنت طالع من هدومى و....... ملحقش يكمل الجمله عشان ابوه اداه قلم بس ايه رن فى صرصور ودنه
الابن برضه -ايه هو ده انت بتضربنى ليه؟
الاب طبعا -ناعام"بيشرشح"بضربك ليه لهو انت مش عارف ياروح ماما
-لأ مش عارف وبعدين مش من حقك تضربنى.. طبعا خد قلم كمان
-ورينى بقى هتعمل ايه.. هاتى الحزام ياوليه
الام بقى -معلش يا خويا هو مش هيعمل كده تانى..للابن..بوس راس ابوك
-مش بايس هو انا اللى ضربته ولا هو اللى ضربنى؟
يا ريت محدش يسألنى ع اللى حصل
هناك تعليقان (2):
شاعرة و كاتبة
دا إيه الحلاوة دي
أنا ف انتظار باقي الكحرتة .. لما نشوف
شكرا انك بتعبرنى على فكرة انتو بترفعوا روحى المعنوية بتحسسونى انى انفع
عموما فيه كمان 5 اجزاء من الكحرتة الابدية بس للاسف لسه منشرتهمش عموما اول ما انشرهم هبقى اقولك
إرسال تعليق